PENJELASAN.
Dina nalika maca kaayaan urang sewang-sewangan, nalika datang parentah Alloh lain jadi pribadi anu nyampurnakeun parentahannana, malah kadang ninggalkeun naon anu diparentah ku Alloh. Ninggalkeun parentah Alloh atawa ngajalankeun parentah Alloh henteu sampurna eta lain harepan cita-cita diri.
Nalika keur mikir mah kapikir geuning, ”aing lalawora ngalaksanekun parentah Alloh”. Keur manteng mikir mah, “gening aing wani ninggalkeun parentah Alloh”. Tapi dina praktekna, ternyata sulit pinuh ku kendala, anu pada akhirna muncul dina pikir jeung rasa bahwa diri teh teuu aya pantesna, teu aya bagiannana pikeun sampurna ngalaksanakeun parentah Alloh, da anu nggeus oge geningan gagal deui. Beda keur nalika datang perkara anu dicarek ku Alloh, bebelaan nyumput tina panempona manusa, kulawarga, ti guru, ti dulur, pikeun bebas ngalaksanakeun anu dilarang ku Alloh, padahal eta laku keur sorangan, eta lain perkara anu dipikahayang. Bahkan geuning nalika urang geus migawe dosa, betapa karasa sulitna diri ngajauhan anu dilarang ku Alloh anu pada akhirna muncul kaputus asaan diri, “mereun kuring mah lain bagiannana”.
Al-Quran surat yunus ayat 62-64 :
أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ () الَّذِينَ آَمَنُوا وَكَانُوا يَتَّقُونَ () لَهُمُ الْبُشْرَى فِي الْحَيَاةِ الدُّنْيَا وَفِي الْآَخِرَةِ لَا تَبْدِيلَ لِكَلِمَاتِ اللَّهِ ذَلِكَ هُوَ الْفَوْزُ الْعَظِيمُ
"Inget saestuna para Wali Alloh eta teu aya kasieun jeung kasedih, maranehna iman jeung taqwa, pinuh kabungah di dunia jeung di akheratna, moal aya nu bisa ngaganti kana katetepan ti Alloh, eta kabagjaan nu agung" (QS.Yunus 62-64).
Henteu kudu dituluykeun eta rasa kaputus asaan. Alloh nganggo bahasa أَلَا “inget ulah poho, inget gumatikeun, inget maneh sing jadi bagian”. Aya kelompok لَا خَوْفٌ عَلَيْهِمْ “henteu gedag kupedah loba pikapaureun, henteu luntur ku pedah loba pinalangsaeun”. Lain henteu aya kasieun, lain henteu aya pisieuneun, tapi pisieuneun henteu jadi kasieun pikeun kelompok eta manusa. Lain eweh pisediheun tapi eta kasedih te matak ngahalang ka eta kelompok manusa.
Tangtu anu dianggap pikasieuneun, pikasediheun nyaeta fakta-fakta hirup anu datang ka diri, qudrot irodatna Alloh anu nyampak kapigawe ku diri, pulak canggeung tinu maha kawasa nu katarima ku diri. Fakta-fakta hirup anu katarima ku diri, Alloh ngadamel kelompok manusa لَا خَوْفٌ عَلَيْهِمْ وَلَا هُمْ يَحْزَنُونَ , Moal aya tanjakan kajaba aranjeuna mampu naek kana tangga anu paling luhur. Moal aya walungan kajaba aranjeuna mampu meuntasan eta walungan
Teu aya gunung anu teu bisa didaki, teu aya danau anu teu bisa diarungi, teu aya sungai anu bisa bisa disebrangan, sabab Alloh masihan fasilitas لَا خَوْفٌ عَلَيْهِمْ وَلَا هُمْ يَحْزَنُونَ.
Jadi atuh saha wae diantara urang anu ngarasa sulit, beurat nalika ngalaksanakeun parentah Alloh. Anu ngarasa jatuh bangun nalika ngalaksanakeun titah parentah Alloh, anu begitu sulit pikeun ngahindar tina naon anu dicarek ku Alloh, Alloh mere penjelasan أَلَا “ catat bahwa kami Alloh mampu membuat kelompok manusa لَا خَوْفٌ عَلَيْهِمْ وَلَا هُمْ يَحْزَنُونَ “.
Saha manusa-manusa anu kuat, unggul, tahan banting, tahan lapar, tahan kesulitan, sabar, sadar dina menghadapi sagala rangkaian tantangan ujian jeung cobaan? jawabannana إِنَّ أَوْلِيَاءَ اللَّهِ nyaeta kelompok manusa anu langsung dina pengurusan Alloh, tegesna manusa anu deukeut jeung Alloh.
Anu kumaha manusa anu deukeut jeung Alloh ? Tangtu Ibnu Athoilah nyaurkeun dina kitab hikam
قُرْبُكَ مِنْهُ أنْ تَكونَ مُشاهِداً لِقُرْبِهِ، وَإلّا فَمِنْ أيْنَ أنْتَ وَوجودُ قُرْبِهِ؟
Alloh wujud aqli mukholafah, heunteu kajangkau ku hisi, tur aqlina lain mumatsalah saperti bingung jeung susah, tapi aqlina mukholafah. Henteu bisa dipresentasikeun bahwa manusa anu deukeut ka Alloh pacekel-cekel secara fisik jeung Alloh, henteu tiasa kitu sabab وَلَمْ يَكُن لَّهُ كُفُوًا أَحَدٌ . Tapi anu dimaksad manusa anu deukeut jeung Alloh nyaeta manusa-manusa anu ngarasa Alloh deukeut jeung diri.
Alloh ngadawuh dina Al-Quran surat Al-baqoroh ayat 186 :
وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ
“Dimana aya anu nanya ka anjeun hamba-hamba tentang Kami Alloh, Alloh nganyatakeun kami deukeut”
Lamun Alloh geus nganyatakeun Kami deukeut, kunaon manusa teu ngarasa Alloh deukeut jeung urang, ngarasa bahwa Alloh deukeut, ningalikeun, ngabandungan. Alloh deukeut jang mere responsif terhadap janji-janji Alloh, lamun rek tisoledat geuwat dikewad ku Alloh, da ngarasa diri deukeut, da ngarasa Alloh deukeut jeung diri. Dimana rek kiceup salah geuwat dihalangan ku Alloh.
Alloh memproklamirkan فَإِنِّي قَرِيبٌ bahkan وَنَحْنُ أَقْرَبُ إِلَيْهِ مِنْ حَبْلِ الْوَرِيدِ “leuwih deukeut tibatan urat beuheung”. Ngarespon pernyataan-pernyataan eta, maka responsifna bahwa diri ngarasa deukeut jeung Alloh, tegesna Alloh netep, ngadangu, merhatikeun, kadeudeuhna moal ngantep ka urang, kabeungharannana moal ngantep kana kabutuhna urang.
وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
"Kami nyieun manusa, Kami nyaho kana perkara nu ngaganggu hatena, tapi Kami leuwih deukeut tibatan urat beuheungna" (QS.Qof 16)
Tinggal masalahna, masalahna nyaeta proses. Kumaha proses supaya ngarasa Alloh deukeut jeung diri, da Alloh mah geus puguh deukeut. Maenya jeung jalma ngadeukeutan teu ngarasa deukeut jeung eta jalma, tapi etamah secara fisik.
Alloh nganyatakeun ”kami deukeut”, tapi kunaon urang teu ngarasa deukeut, aya proses anu can dilakukeun ku urang, aya langka-langkah anu can dilaksanakeun ku urang , aya strategi-strategi anu can dipake ku urang.
Alloh ngadawuh dina surat al-anfal ayat 12 :
إِذْ يُوحِي رَبُّكَ إِلَى الْمَلَائِكَةِ أَنِّي مَعَكُمْ فَثَبِّتُوا الَّذِينَ آمَنُوا ۚ سَأُلْقِي فِي قُلُوبِ الَّذِينَ كَفَرُوا الرُّعْبَ فَاضْرِبُوا فَوْقَ الْأَعْنَاقِ وَاضْرِبُوا مِنْهُمْ كُلَّ بَنَانٍ
إِذْ يُوحِي رَبُّكَ إِلَى الْمَلَائِكَةِ أَنِّي مَعَكُم ngajelaskeun bahwa “ Kami jeung anjeun wahai malaikat”
فَثَبِّتُوا الَّذِينَ آمَنُوا kulantaran kami deukeut jeung anjeun kusabab kitu panjangkeun hate-hatena jalma anu ariman.
Kami Alloh deukeut sarta anjeun malaikat, malaikat diparentah ku Alloh ”cabakan jiwa-jiwa manusa hamba kami, usapan malaikat hamba-hamba kami”, sahingga diusap ku malaikat, ditiup ku malaikat menjadi manusa لَا خَوْفٌ عَلَيْهِمْ وَلَا هُمْ يَحْزَنُونَ.
eta teknis mangrupakeun perintah Alloh, pernyataan Alloh. Naha anu bersangkutan budak leutik? bisa jadi. Naha kena usapan malaikat ka jalma anu geus kolot? henteu mustahil. Naha ka santri Pantes? Naha ka lain santri henteu aya anu henteu pantes?, asalkeun الَّذِينَ آمَنُوا. Diparentah malaikat ku Alloh supaya menyapa, supaya menyampaikeun, supaya niupkeun, ngusapkeun ka manusa-manusa, nalika eta terjadi maka Alloh membentangkan لَا خَوْفٌ عَلَيْهِمْ وَلَا هُمْ يَحْزَنُونَ jadi pribadi anu siap, hebat, kuat, unggul, kokoh.
Lamun urang ayeuna kabeneran lain turunan jalma alus, henteu jadi halangan, nalika Alloh ngersakeun bisa terjadi. Lamun bener kupedah turunan, gening Alloh nyieun conto Kan’an teh malah bapana utusan Alloh. Lamun bener kupedah keluarga, geuningan anu nyilakakeun teh istrina nabi Lut, carogena utusan Alloh.
Saha wae anu satiap saat kajebak, ngarasa sulit ngalaksanakeun parentah Alloh, ngarasa beurat ninggalkeun anu dicarek ku Alloh, henteu kudu putus asa. Jawabannana أَلَا inget Alloh janji, inget catat ulah poho, jadikeun diri anjeun manusa kelompok لَا خَوْفٌ عَلَيْهِمْ وَلَا هُمْ يَحْزَنُونَ . Saha jalmana? أَوْلِيَاءَ اللَّهِ . saha أَوْلِيَاءَ اللَّهِ ? Anu ngarespon tentang pernyataan Alloh “kami deukeut jeung hamba Kami”, maka manusa anu ngarasa deukeut anu disebut أَوْلِيَاءَ اللَّهِ.
Henteu kudu panca kaki pedah belet diri, pinter diri, turunan jalma alus, ngora jeung kolot. Saha wae anu wani ngalakukeun kedekatan, maka manehannnana anu bakal ngameunangkeun jiwa لَا خَوْفٌ عَلَيْهِمْ وَلَا هُمْ يَحْزَنُونَ , jeung malaikat diparentah ku Alloh supaya membelai, menyapa manusia anu disayangi Alloh.
Sumber : https://www.miftahul-huda.com
0 Komentar